Lemai
nya Scarlet bisi sms ngagai Mike madahka deka betemu enggau Mike laban bisi
utai ka dipadah enggau iya. Udah ka maca sms nya Mike lalu berundingka nama
utai bangat ka dipadah Scarlet ngagai iya.
“Lapa
enda madah ngena telefon aja” pia ko Mike bejaku dalam ati sambil kaki iya ka
nyingkang bejalai nuju ngagai library Mike. Enda berasai kaki iya ka nyingkang belubah-lubah pan nyau datai ba
penama library, lemai nya sigi kurang orang ba library semina bisi dua tiga iku
aja ka dipeda. Sambil kaki nyingkang pia mega mata iya endang merening kiba
kanan laban ka ngiga endur Scarlet. Perening mata Mike lalu tepantup ba siti ayuk ya ka duduk kediri
ba sukut library nya. Ari jauh Mike
endang udah nemu nya Scarlet. Baju kurung merah mansau, sereta buk iya ditejuka
merundai labuh naka bau iya lalu nyandik beg
“Hello Kitty”. Scarlet merening jauh ka luar cermin, baka ka semina
tubuh aja ba dia tang runding ya jauh di menua bukai. Scarlet enda nemu Mike udah
datai semak iya dia, meda baka nya Mike lalu nguji deka beduan Scarlet nutup
mata iya enggau jari.
“Scar!
uji sangka sapa tu”pia ko Mike sambil jari iya nutup mata Scarlet ka benung
merening ka luar cermin library.
Scarlet
enda nyaut tang ngelepaska jari Mike ka nutup mata iya, mua iya endang nadai
ketawa mimit sereta berupai pucat. Mike berasai alit ati meda ulah Scarlet amat
nyelai baka nya, pengelama iya ka ngelala Scarlet endang nadai kala meda ulah
Scarlet baka nya.
“Nama
enda kebuah Scar tu baka tu?” pia ko Mike bejaku dalam ati, sambil jari iya
megai jari Scarlet iya lalu nanya baru.
“Scar
nuan OK kah? Sihat nuan? Bisi pedis? Pedis dini?”
Belubah-lubah
Scarlet ngelepaska jari Mike lalu bediri sereta mata iya merening ke luar
cermin baru.
“Mike
aku nemu nuan endang amat sayau ka aku. Tang pengerindu tua semina ulih naka tu
aja, udah tu ila badu agi nuan ngenang aku. Berengkah meh enggau pengidup iya
ka baru”
Sereta
ningga jaku Scarlet munyi nya Mike nyau temati kutu enda nemu nama utai ka
disebut agi. Seduai iya sama enda bejaku semina munyi aircond ka bisi didingga
maya nya. Maya nya mega semak seduai dia endang nadai orang siku. Ba luar
library nya nyau teritik leka ujan
nempuh cermin laban ka dipuput ka ribut. Langit endang celum tambah mega hari
ka majak lemai.
“Scar,
nama jaku nuan munyi nya enti ka betundi
pan anag kelalu nyebut utai munyi nya” pia ko Mike sambil berdiri semak Scarlet
“Mike,
aku udah lama berunding ka perkara tu, lalu tu meh pemutus aku ka penudi ka tau
pulai ka pemanah ngagai tua”
“Tapi nama kebuah Scar? Nama penyalah aku, lalu nama kebuah nuan tiba-tiba aja nyebut utai tu?”
“Tapi nama kebuah Scar? Nama penyalah aku, lalu nama kebuah nuan tiba-tiba aja nyebut utai tu?”
Scarlet
endang enda nyaut, mata iya mega endang enggai malik ngagai Mike. Lebuh Mike
merening ngagai mata iya Scarlet lalu merening kebukai. Scarlet lalu nyingkau
beg “Hello Kitty” iya ba atas meja
sereta bejalai ninggalka Mike.
Saritu
semua nya semina tinggal pengingat, tang taja pia iya endang meruan diingatka
Mike belama, lalu nyentuk ka saritu mega Mike lalu enda nemu nama kebuah
Scarlet mutuska pengerindu seduai naka nya aja. Pemutus Scarlet mai seduai
berserara nya endang cukup ngeramak ati Mike lalu ninggalka abi telih ti cukup
dalam. Taja pia Mike endang suah udah nguji deka badu ingatka Scarlet , tang
semuanya ukai senang laban makin kitai nguji ka badu ngingat ka orang ti kala
datai dalam pengidup makin meh kitai majak ingat ka orang nya. Tang nya meh,
enti kitai sayau ka utai nya kitai enda tau nagang iya bejalai niti jalai ka
dipilih iya.
Sambil
muka asi bungkus ka dibeli iya ba kedai makai baruh opis sida tadi Mike lalu muka facebook sambil ka matahka
lengan maya ngetu tengah hari nya. Tengah hari nya nadai tentu mayuh bala ka sama gawa ngetu ba opis labanka
makai ba luar. Enti bisi pan enda bulih dua tiga iku iya ka enda keluar maya
ngetu tengah hari nya. Andy kawan ka sepiak meja iya pan nyau makai keluar.
Enda
mukai-mukai lebuh ka muka facebook nya scroll ari atas ka baruh, dia mata Mike
lalu tekait ba siti gambar ka cukup ngundan mayuh pengingat ngagai Mike. Nya
meh gambar seduai Scarlet keterubah betemu lebuh hari keterubah kuliah.
Sarinya
Mike enggau Andy laun dani laban ka terunda-runda meda cerita Running Man malam
nya nyentuka seduai nyau laun dani.Lalu ngujungka seduai beguai-guai ngagai
kelas.
“Apo
Andy peda nuan jam diatu nyau ka pukul lapan” pia ko Mike sambil kaki iya
nyingkang naka penyampat iya ka ulih.
“Ya kati ga Mike, ukai tua sengaja ka laun
tang ari tadi udah bepusin ditu lalu nadai temu dewan kuliah kitai tu”.
“Nya
meh orang enti ngasai diri student junior first day kelas datai tumu orang, nya
tua enda ngasuh tak laun ari senior datai. Udah ga enda nemu kelas tu”
“Anang-anang
nuan salah peda jadual nya tadi, amat enda kelas kitai ba Dewan Kuliah 5”
Mike
enda nimbal Andy tang majak bejalai sambil mata iya baka mata menaul merening
kiba kanan ngiga Dewan Kuliah 5 iya ka endur kelas sida pagi nya. Enda
mukai-mukai benung seduai ka merening kiba kanan nya bisi orang nanya seduai
ari belakang.
“Kamu
berdua tau Dewan Kuliah 5 di mana?”
Mike
lalu malik ka belakang dia iya meda bisi tiga iku indu sama ngena baju kurung,
lalu iya ka nanya nya tadi bisi megai kertas dipelabaka jadual sereta nyandik
beg Hello Kitty.
“Dewan
Kuliah 5? Subjek Hubungan Etnik?”
“Ya,
ya subjek Hubungan Etnik, kamu berdua juga sama?
“Ya,
tapi dari tadi sudah cari dewan tu tidak jumpa-jumpa lagi”
“Mike,
uji peda nuan orang ka mayuh nyin anang-anang nyin endur kelas kitai” pia ko
Andy sambil jari iya nunjuka bala orang ka mayuh ba mua nyin.
“Eh,
seduai tu Iban kah?”
“Au,
kami duai tu bansa Iban. Kita tiga deh?” pia ko Mike sambil sambil sida ka
bejalai nuju bala ka mayuh nya.
“Sama
meh kami tiga tu Iban mega”
Maya
sida datai dia nembiak ka bukai nya tadi pan baru ka masuk. Mike lalu malik
ngagai pintu penama nembiak nya tadi. Gaga endar ati iya laban nya endang Dewan
Kuliah 5 ka digiga seduai Andy ari tadi. Seduai iya pan lalu sama enggau orang
tama ngagai dewan nya.
“Nyin-nyin
ujung nyin bisi kerusi kosong Mike” pia ko Andy sambil bejalai nuju kerusi
baris ujung sekali semak dinding nya.
“Balat
ga pemayuh orang ngambi subjek tu neh” pia ko Mike sambil ngengkahka beg iya ba
atas kerusi.
“Nasib
tu bisi endur duduk enti enda nyabak berdiri tadi nganti kelas tiga jam tu
abis, putus urat betis bisi meh asai ku.”
“Eh,
nama nyin ukai indu tiga iku tadi nyin. Kada enda nadai endur duduk sida nyin”
pia ko Mike sambil ngepaika jari ngangau sida tiga nya mai duduk semak seduai
Andy dia.Laban ka bisi kosong tiga iti kerusi ba baris sida nya.
“Kosong
kerusi tu? Nadai orang ditu?”
“Duduk
meh, nadai orang ditu kami duai aja”
“Apu!
nasib amat bisi endur duduk tadi enti enda berdiri kami tiga tadi. Terima kasih
au... ermmm.. sapa nama neh… sanu”
“Amat
ga neh ari tadi bejaku ngapa aja nuan nya Mike, lalu enda madahka nama diri ni
orang ka nemu” pia ka Andy ka duduk ba semak dinding.
“Majak
berandau diri nyau enda ingat ka madahka nama diri sorry au. Ermmm…. aku Mike
kaban aku tu Andy”
“Mike
enggau Andy neh, manah endar nama seduai. Aku Scarlet, kaban aku tu Ann enggau
Lisa” pia ko Scarlet sambil jari iya nunjuk ka bagi Ann enggau Lisa
Benung
sida lima ka berandau dia pensyarah ka ngajar subjek nya lalu masuk. Semua ka
bisi ba dewan nya mega lalu ngetu bejaku.
Baka
nya meh gaya first day Mike enggau Andy nyadi student junior lalu sarinya mega
keterubah iya Mike seduai Scarlet betemu.Kira nyau dua tiga bulan udah nya, nyau
suah ka betemu, betundi, bekongsi pemakai,enggau ti bukai dia Mike ngasaika iya
enggau Scarlet endang enda baka terubah betemu suba tang jauh lebih agi ari
nya. Lalu baka nya meh pengerindu seduai makin lama majak bebungai.Seduai mega
bersemaya enda beduan pangan nyentuk ka jemah ila. Hari siti Scarlet minta
tolong Mike ngadu siti assignment, lalu besemaya deka betemu ba library.
Datai
ba library Mike lalu ngiga Scarlet, iya lalu bejalai ngagai tempat ka selalu
endur sida ngelamatu laban iya nemu Scarlet endang mesti ngagai tempat nya.
Taja pia Mike tekenyit endar ati laban nadai meda Scarlet ba tempat nya. Dia
iya lalu nguji call Scarlet tang nadai disaut.
“Nama
iya tu nadai nyaut, tadi iya ga ngasuh datai library kitu?” ko Mike bejaku
kediri sambil jari iya nyulit telefon deka telefon ngagai Ann
“Hello,
Ann ni Scar ga tadi iya mai aku ngagi library tok?”
“Mike,
Scar nya agi gali ga iya madah tadi
pedis pala ka iya”
“Bah
nama nya baka deh?”
“Nya
lah lepas pulai ari cafeteria tadi lalu bepeluh ngemalat nya iya, udah nya lalu
madah diri pedis pala iya”
“Uji
bai ngagai klinik ga…”
“Enggai
iya Mike udah kami duai Lisa ka mai iya tadi tang iya madah enda ngawa engka
laban ari kelalu angat kini ko iya”
“Oklah
enti bisi apa-apa madah ja”
Mike
pan lalu mulai ka diri ngagai hostel.Datai ba hostel Andy endang udah nganti
iya ba mua pintu.
“Eh,
ukai nuan madah tadi ka ngagai library enggau Scarlet ngadu assignment? Jampat
endar ga udah pulai”
“Bisi
hal mimit, enda ibuh nemu pan nuan”
“Belaya
seduai Scarlet pia? Nya nuan nyau diburu iya pulai?” ko Andy nundi Mike ka
benung ngemas buku ba atas meja iya.
“Sebarang
nuan nya nadai kebuah kami duai ka carut deh, Scar nya pedis pala tadi nya enda
nyadi ka ngadu assignment”
“Pia,
ni kami nemu deh”
Pagi
siti Mike enggau Andy dani tumu laban ka bisi kelas pukul 8. Andy laban ka
bedau nyimpan buku ka deka dibai iya nyau beguai-beguai nyimpan buku dalam beg
iya. Datai ba kelas Scarlet, Lisa enggau Ann endang lama udah datai. Mike
seduai Andy lalu duduk enggau sida tiga nya.
“Dah
ok nuan saritu? Nadai pedis agi” ko Mike nanya Scarlet sambil iya ngeluarka
buku ari beg iya.
“Ok,
lah mimit nadai tentu pedis agi ga, bisi dah makai panadol pagi tadi” pia ko
Scarlet nyaut Mike enggau nyawa ka enda tentu inggar.
“Manah
meh nya, irau amat aku kemari ka nuan.”
“Nya
meh, sorry au laban nadai madah ngagai nuan aku enda nyadi ngagai library
kemari. Mesti lama nuan nganti ku ba library kemari kan.”
“Nadai
nya ngawa ukai sengaja nuan enda madah”
“Ermm
…ermmm bisi popcorn seduai Lisa? kena meda cerita indon tu” pia ko Andy lalu
ketawa ka Mike seduai Scarlet.
Enda
ngadang Andy sepi tak semetap pembaris terengkah ba belakang iya dipalu
Scarlet. Laban iya ka nundi seduai Mike ka benung berandau nya tadi.
“Nya
iya nyau cerita kungfu dipeda kitai diatu pia? Nama nya Bruce Lee nyau kena
palu orang ngena pembaris ga” ko Lisa sambil ketawa meda ulah Andy ka di palu
Scarlet
Sida
lima pan lalu sama bela ketawa ningga jaku Lisa nya tadi.
Udah
abis kelas tengah hari nya sida pan lalu ngagai cafeteria laban deka makai
tengah hari. Maya nya jam baru pukul 12.30 tengah hari, nembiak ba cafeteria
maya nya umbas iya pemayuh . Lalu cukup pedis ka ngiga meja endur duduk labanka
penuh laban nembiak bukai. Bisi nembiak iya ka udah badu makai tang agi nganti
maya ka masuk kelas lalu nganti ba cafeteria dia. Bisi mega iya ka benung
berandau basal assignment, bisi mega nya main game ba telefon, bisi mega ningga
lagu. Cafeteria nya mega cukup inggar laban ka sama bela enda mendingka pangan
diri.
“Uji
nuan ngabas meja ujung nyin Andy bisi orang enda” pia ko Ann.
“Amat
ga neh, asaiku nadai orang nyin” ko Andy lalu bejalai ngagai meja ka dipadahka
Ann tadi.
Enda
lama udah nya peda Andy ngangkatka jari ngangauka sida empat ngasuh mansang
ngagai iya kia.
“Amat
lansik mata nuan nya Ann, baka mata menaul. Betul-betul kosong meja tu tadi” ko
Andy
“Nya
meh orang mata ba kening kena meda meja kosong ukai nya meda orang indu” ko Ann
nundi Andy
Sida
lima lalu sama-sama ngagai gerai ka nyual pemakai, lalu meli pemakai ka bisi
dia. Taja pia Scarlet semina meda aja sida ngambi pemakai. Meda baka nya Mike
lalu mansang ngagai Scarlet.
“Scar,
nama nuan enda makai deh?”
“Agi
kenyang aku sebendar iya, nadai ati ka makai tu”
“Enda
tau baka nya nuan, biar makai mimit pama meh. Aku nemu nuan bedau makai
nama-nama pagi tu kan?”
“Makai
mimit au, ni ka nuan lagi ku ngambi iya?” ko Mike sambil jari iya nunjuk ka
pemakai ka bisi dia.
“Au
lah mana-mana ja dia tapi anang mayuh”
Enda
berasai laban ka enda ngetu turun tiki ke kelas ngadu assignment, ngadu
presentation, ngadu projek dia nyau datai ba ujung semester endur bala nembiak
deka napi peresa ujung semester tauka final exam.Maya study week bala nembiak
endang bebendar belajar ngambi peluang ka semina tinggal seminggu nya agi endur
belajar ka utai ka udah dipelajar ka sida ngelama tu.Mike pan enda muai peluang
seminggu nya endur belajar, sida selalu belajar sama-sama (study group).
Taja
pia, Scarlet nyau kurang begulai enggau sida empat, iya mega nyau jarang betemu
enggau Mike. Lebuh Mike nguji ka betemu enggau iya nyau mayuh alasan diberi iya
madahka enda ulih. Pia mega tubuh Scarlet nyau majak kurus, mua iya mega pucat
sereta lembau, iya nadai tentu bejaku sereta enggai begulai enggau orang baka
ka suba.
Lemai
nya, Mike nerima sms ari Scarlet madahka deka betemu enggau iya ba library
laban bisi utai ka dipadahka iya ngagi Mike.
“Mike!
nama utai bangat dekerunding nuan ngemalat nya meda facebook nya?”
“Eh..
aa .. nadai.. nadai.. nadai nama-nama udah pulai makai nuan pia? Jampat endar.”
pia ka Mike laban ka tekenyit ningga Andy ka sepiak meja iya nanya sambil
nempik belakang iya.
“Nya
kebuah nuan enggai bai ku makai ba luar tadi”
“Nyamai
agi ngetu ba opis enda rua minyak kerita nemu nuan”
“Eh..
anang mayuh alasan nuan. Utai ka lama badu agi ngenang iya Mike ukai nya ulih
ditikal pulai jam deh. Badu agi nuan ngenang Scarlet.”
Mike
enda nyaut Andy ka majak bejaku tang lalu makai asi bungkus ka nyau udah celap
nya. Maya nya mega Andy lalu mansutka siti surat ari beg ka dibai iya keluar
tadi lalu nyuaka surat nya ngagai Mike.
“Mike
, aku bisi betemu enggau Lisa tadi maya makai tadi lalu iya ngasuh aku meri
surat tu ngagai nuan”
“Nuan
anang main-main tengah hari tu, nama kebuah Lisa ka meri surat ngagi aku deh?”
pia ko Mike sambil muka sampul surat nya.
Ba
mua sampul surat nya endang bisi tulis nama iya, lalu Mike asaika ngelala
tulisan orang nya.
“Nama
tu baka tulis Scar tu deh?” ko Mike
bejaku dalam ati sambil iya majak muka surat nya lalu maca isi surat nya.
Mike,
Keterubah
iya sorry amat-amat ngagai nuan laban udah ngaga nuan baka tu sereta udah ngasa
ka pengerindu tua ngelamatu. Lebuh nuan ka maca surat tu aku endang udah nadai
agi ba dunya tu. Tang taja pia aku ngarapka nuan ulih nerima semua tu enggau
ati ti tebuka. Maya nya suba ukai aku sengaja ngelengka muai nuan, tang laban
aku nemu nuan lelaki ka cukup mentas sereta patut bulih indu ka manah agi ari
aku. Laban aku sayau ka nuan nya meh kebuah aku ngelengka ka nuan ngambika nuan
ulih ngiga indu bukai. Ka bendar iya maya nya suba aku sakit leukemia lalu aku
semina ulih idup beberapa bulan aja agi. Aku pan baru nemu aku bisi sakit nya
lebuh aku ka ngagai klinik laban ka selalu pedis pala sereta berdarah idung.
Tang aku sengaja enda madah ngagai nuan serta orang bukai laban aku enda
sanggup meda kita sinu ka aku. Kepenudi iya aku ngarapka nuan badu agi ingatka
aku Mike, berengkah meh enggau pengidup ka baru. Aku mega ngarapka kita empat
nuan, Andy, Lisa enggau Ann meruan begulai baka maya kitai agi belajar suba.
Tahniah ngagai kita empat laban udah mujur bulih degree serta bulih kerja ka
menyana diatu, taja pan aku enda bulih degree baka kita tang aku cukup gaga ati
enggau kita.
Nya
aja ari aku, jaga diri enggau manah serta ngarapka mujur dalam semua pengawa.
Scarlet
Udah
abis maca surat nya Mike lalu duduk tegenung enda munyi nungga laptop iya ba
atas meja nya. Meda baka nya Andy pan lalu ngambi surat ka dilengkaka Mike ba
atas meja nya tadi lalu maca iya. Udah nya Andy lalu bejaku.
“Lisa
madah surat tu diberi aba enggau mak Scarlet taun nyin kemari maya kitai baru
udah grad.Tang iya nadai ulih contact tua nya alai lalu disimpan iya surat tu”
Mike
endang nadai nimbal seleka Andy ka bejaku nya.Mua iya merening gambar sida maya
first day kuliah suba ba facebook nya. Ningga Mike enda munyi Andy lalu bejaku
baru.
“Nasib
meh aku betemu enggau Lisa tadi nya lalu meri kau surat nya. Ann diatu aku
ningga Lisa madah benung nyambung pelajar ba peringkat master”
Laban
ka agi bisi 15minit sebedau pukul 2 Andy lalu muka radio ba telefon iya, maya
nya mega siti lagu ribai benung diputarka dj.
##Goodbye,
my almost lover
Goodbye, my hopeless dream
I'm trying not to think about you
Can't you just let me be?
So long, my luckless romance
My back is turned on you
Should've known you'd bring me heartache
Almost lovers always do##
Goodbye, my hopeless dream
I'm trying not to think about you
Can't you just let me be?
So long, my luckless romance
My back is turned on you
Should've known you'd bring me heartache
Almost lovers always do##
Ukai
semua utai ba dunya tu ka ulih diempu kitai. Kadang-kadang kitai semina nginjau
enda lama lalu enti udah datai maya iya lenyau kitai sigi enda ulih nagang iya.
Nya alai jaga meh engggau manah utai ka bisi dikembuan kitai sari tu laban
kitai semina ngasai ka pemisi iya lebuh kitai lenyau utai nya.